हैदरावादलाई हराउँदै मुम्बई फेरि शीर्ष स्थानमा

१८ असोज, एजेन्सी । आईपीएल क्रिकेटमा हैदरवादलाई हराउँदै मुम्बई फेरि शीक्र्ष स्थानमा उक्लिएको छ । आइतबार बेलूकी भएको खेलमा हैदरावादलाई ३४ रनले हराउँदै मुम्बई शीर्ष स्थानमा उक्लिएको हो ।

मुम्बईले दिएको २ सय ९ रनको लक्ष्य पछ्याएको हैदरावाद निर्धारित २० ओभरमा ७ विकेट गुमाएर १ सय ७४ रनमै सिमित भयो । उसका लागि कप्तान डेभिड वार्नरले ६० रन बनाउनुबाहेक अरुले गतिलो प्रदर्शन गर्न सकेनन् ।

मुम्बईका बोल्ट, प्याटिन्सन र बुम्राहले समान दुई दुई विकेट लिए । त्यसअघि टस जितेर पहिले व्याटिङ गरेको मुम्बईले निर्धारित २० ओभरमा ५ विकेट गुमाएर २०८ रन बनायो । उसका लागि क्वीन्टन डीककले सर्वाधिक ६७ रन बनाए । हैदरावादका सन्दीप शर्मा र सिद्धार्थ कौलले दुई दुई विकेट लिए ।

जितसँगै मुम्बईले ५ खेलबाट ६ अंक जोडेको छ । एक खेल कम खेलेका दिल्ली र बेंग्लोर समान ६ अंकका साथ दोस्रो र तेस्रो स्थानमा छन् । हार व्यहोरेको हैदरावाद भने ४ अंकसहित छैटौ स्थानमा छ ।