टस हारेको दिल्ली व्याटिङ गर्दै, सन्दीपलाई बेवास्ता !

१९ असोज, एजेन्सी । आईपीएल क्रिकेटमा टस हारेको दिल्लीले पहिले व्याटिङको निम्तो पाएको छ । दुबईमा बेंग्लोरले टस जितेर फिल्डिङ रोजेपछि दिल्लीले पहिले व्याटिङको निम्तो पाएको हो । दिल्लीको टिममा रविचन्दन आश्विन टिममा फर्किएका छन् ।

उनी यसअघि दाया हातको पाखुरामा समस्या देखिएपछि चार खेल खेल्न सकेका थिएनन् । पहिलो खेलमै पाखुरामा समस्या देखिएका उनी एक ओभर बलिङ गरेर बाहिरिएका थिए । झण्डै दुई सातापछि उनी टिममा फर्किएका छ्न् ।

शीर्ष स्थानमा रहेका दुवै टिमबीच कडा प्रतिष्पर्धा हुने अनुमान गरिएको छ । तर दिल्लीले नेपाली युवा लेगस्पिनर सन्दीप लामिछानेलाई बेवास्ता गरेको छ । लिगमा पाँचौ खेल खेल्न लाग्दा पनि दिल्लीले सन्दीपलाई बेन्चमै सिमित पारेको छ ।

यसले नेपाली खेलप्रेमी दिल्ली टिमप्रति आक्रोशित बनेका छन् ।