जीवन क्षेत्रीको नेतृत्वमा बन्यो डा.केसी पक्षको वार्ता टोली

२१ असोज, काठमाडौं । सरकारले वार्ता समिति गठन गरेपछि डा. गोविन्द केसीका तर्फबाट पनि वार्ता समिति गठन भएको छ । डा.जीवन क्षेत्रीको नेतृत्वमा तीन सदस्यीय समिति गठन भएको हो ।

समितिको सदस्यमा नेपाल चिकित्सक संघका पूर्वअध्यक्ष अञ्जनीकुमार झा, नेपाल चिकित्सक संघका अध्यक्ष डा. लोचन कार्की र अधिवक्ता ओमप्रकाश अर्याल सदस्य छन् ।

यसअघि सरकारले आजै शिक्षा सचिव गोपीनाथ मैनालीको संयोजकत्वमा ३ सदस्यीय समिति गठन गरेको छ । दुई समितिबीच भोलिदेखि वार्ता शुरु हुनेछ । २४ दिनदेखि अनसनरत डा.केसीको स्वास्थ्य अवस्था जटिल बन्दै गएपछि सरकार बाध्य भएर वार्तामा बस्न सहमत भएको हो ।