डा.केसीले तोडे २८ औँ दिनमा १९ औँ अनसन !

२५ असोज, काठमाडौं । सरकारसँग ८ बुँदे सहमति भएपछि डा. गोविन्द केसीले १९ औं अनशन तोडेका छन् । आइतबार शिक्षण अस्पतालका सफाई कर्मचारी विकास नेपालीको हातबाट जुस पिएर उनले १९ औँ अनसन २८ दिनपछि तोडेका हुन् ।

गएराती डा.केसीसँग ८ बुँदे सहमति भएको थियो । उनले आइतबार बिहान घोषणा अनुसार अनसन तोडेका हुन् । कर्णाली लगायतका ठाउँमा एमबिबिएस पठनपाठन थाल्नुपर्ने लगायतका ६ बुँदे माग राख्दै डा.केसीले भदौ २९ गतेदेखि जुम्लाबाट अनसन शुरु गरेका थिए ।

लामो समय डा.केसीको अनसनमा मौन बसेको सरकारले असोज २४ गते शिक्षा सचिव गोपीनाथ मैनालीको संयोजकत्वमा वार्ता समिति गठन गरेको थियो । तीन दिन लगातार वार्ता गरेको समितिले शनिबार राती सहमति जुटाएको हो ।