काठमाडौंको असनमा सांग्रिला डेभलपमेन्ट बैंकको नयाँ शाखा संचालन

६ कार्तिक, काठमाडौं । सांग्रिला डेभलपमेन्ट बैंक लिमिटेडले मुलुकभरि आफ्नो उपस्थितिलाई थप दरिलो बनाउँदै लगेको छ । बैंकले काठमाडौंको मुटु असनमा आज कार्तिक ६ गतेदेखि असन शाखा संचालनमा ल्याएको छ ।

सांग्रिला डेभलपमेन्ट बैंक लिमिटेडले ग्राहकवर्गहरुलाई विभिन्न प्रकारका बैंकिङ्ग सुविधाहरु दिंदै आएको छ । आजबाट संचालनमा आएको शाखा सञ्चालनबाट यस क्षेत्रका ग्राहकहरुलाई अझ सरल र सहज तरिकाले बैकिङ्ग सेवा सुविधाको थालनी गरेको बैंकले जारी गरेको प्रेस विज्ञप्तीमा भनिएको छ ।

बैंकको मुलुकभर ९२ शाखा कार्यालयहरु, ३० एटीएम रहेको छ । संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको प्रमुख कार्यकारी अधिकृत सुयोग श्रेष्ठले नेपालबहस डटकमलाई जानकारी दिए ।