सनराइज बैंकको ५२ करोड लाभांश प्रस्ताव

८ मंसिर, काठमाडौं । सनराइज बैंक लिमिटेडले आर्थिक वर्ष २०७६/७७ को मुनाफाबाट प्रतिफल घोषणा गरेको छ । कोरोनाभाइरस महामारीका कारण भर्चुअल माध्यमबाट हिजो बसेको बैंक संचालक समितिको ३५९ औ बैंठकले नेपाल राष्ट्र बैंकको स्वीकृति पश्चात ८.२८ प्रतिशत प्रतिफल वितरण गर्ने जनाएको हाे ।

सनराइजले २०७७ असार मसान्तसम्मको मुनाफाबाट ५२ करोड १ लाख ३३ हजार ६३ रुपैयाँ २९ पैसा बराबरको ५.८० प्रतिशत बोनस र करसहित २२ करोड २४ लाख एक हजार सात सय २३ रुपैयाँ ६२ पैसा बराबरको २.४८ प्रतिशत नगद लाभांश लाभांश वितरण गर्ने प्रस्ताव गरेको छ ।

जम्मा ८.२८ प्रतिशत अर्थात् ७४ करोड २५ लाख ५३ हजार सात साय ८६ रुपैयाँ ९१ पैसा बराबरको लाभांश वितरण गर्ने प्रस्ताव गरेको कम्पनीका सचिव ईश्वरकुमार पाठकले जानकारी दिए ।