कोरोना बीमा भुक्तानी ३ दिनभित्र गर्न सरकारको ताकेता

१८ मंसिर, काठमाडौं । सरकारले कोरोना बीमा तत्काल भुक्तानी गर्न बीमा समितिलाई निर्देशन दिएको छ । यसअघि ७ दिनभित्र कोरोना बीमा भुक्तानी गर्नु भन्ने निर्देशन पालना नभएका बेला अर्थ मन्त्रालयले बीमा समितिलाई फेरि ३ दिनभित्र भुक्तानी गर्न निर्देशन दिएको हो ।

अर्थमन्त्रालयले यस अघिको निर्देशन कार्यान्वयन नहुनुको कारण खुलाउन र तत्काल जवाफ पठाउन पनि भनेको छ । अर्थ मन्त्रालयले कोरोना बीमा भुक्तानीको समस्या समाधानका लागि समितिबाट भइरहेका प्रयासबारे यतार्थ जानकारी दिन पनि भनेको छ ।

अझै १३ हजार भन्दा धेरैको कोरोना बीमाको रकम भुक्तानी हुन बाँकी छ । बीमा कम्पनीले भुक्तानी नगर्दा पछिल्लो समय उपभोक्ता मारमा परेका छन् भने बीमा कम्पनीप्रति आक्रोशित भएका छन् ।