याे सम्झिने मन छ म बिर्सूं कसाेरी !

१९ मंसिर, काठमाडौं ।  शहरी विकास राज्यमन्त्री रामवीर मानन्धरले स्वरसम्राट् नारायणगोपालले नेपाली सङ्गीत क्षेत्रमा महत्वपूर्ण योगदान पु¥याउनुभएको बताएका छन । नारायणगोपालको ३०औँ स्मृति दिवसका अवसरमा आज अष्टनारायण पिक्चर्सले आयोजना गरेको कार्यक्रममा उनले नारायणगोपालको योगदान युगौँसम्म रहने बताए ।

राज्यमन्त्री मानन्धरले आधुनिकतासँगै मौलिकताको संरक्षण र सम्वद्र्धन गर्नुपर्नेमा पनि जोड दिए । सो अवसरमा राज्यमन्त्री मानन्धर, सङ्गीतकार भूपेन्द्र रायमाझीलगायतले नारायणगोपालका कालजयी गीत गाएका थिए । नारायणगाेपाल भन्नेवित्तिकै उनका कालजयी गीतहरू हाम्रा कानमा गुञ्जिन थाल्छन् । म त लाली गुराँस भएछु हाेस् वा याे संझिने मन छ म बिर्सूं कसाेरी नै किन नहाेस्, हरेक नेपालीका कानमा सुमधुर लयमा गुञ्जिन थाल्छ ।

नेपालको सांगीतिक क्षेत्रमा थाेरै तर सुन्दर र लाेकप्रिय गीत गाएर उनी अजर अमर बनेका छन् ।  बि.सं. १९९६ असोज १८ का दिन बुबा आशागोपाल गुरुवाचार्य र आमा रामदेवी गुरुवाचार्यको कोखबाट काठमाडौंको किलागलमा जन्मिएका नारायणगोपाल गुरुवाचार्य नेपाली सांगीतिक क्षेत्रका सबैभन्दा सफल अनि ख्यातिप्राप्त गायक हुन् । उनलाई नेपालका ‘स्वर सम्राट’को उपाधिले सम्मान गरिएको छ ।

२०४७ मंसिर १९ मा निधन भएका नारायणगाेपालले रत्नशम्शेर थापा, नीर शाह, कालीप्रसाद रिजालदेखि चाँदनी शाहसम्मका गीत गाएका छन् । उनले त्यसबेलाका किशाेर गीतकार दिनेश अधिकारीका गीत पनि गाए ।  जाेकाेहीका र जस्ता तस्ता रचना मन नपराउने उनी निकै चुजी गायकका रूपमा चिनिन्छन् । अत्यन्त जिद्दी र घमण्डी जस्ता लाग्ने उनी मनका भने काेमल भएका उनका समकालीन बताउँछन् । नारायण गोपालले करिब डेढ सय नेपाली गीतहरू गाएका छन् । उनका गीतहरू नेपाली चलचित्र तथा नाटकहरूमा पनि प्रयोग गरिएका छन् ।

मानविकीमा स्नातकोत्तर गरेका नारायण गोपाल शास्त्रीय सङ्गीत अध्ययन गर्न भारतको ‘माहाराजा सायाजीराव युनिभर्सिटी अफ बडोदा’ गएका थिए तर उनले अध्ययन पूरा नगरी नेपाल फर्किएका थिए ।

नारायण गाेपालबारे केही राेचक कुराहरू छन्, जुन धेरैलाई थाहा नहुन सक्छ । उनका नजिकका अनि असल मित्रहरू माणिक रत्न र प्रेमध्वज प्रधानले हिन्दी गीतमा स्वराभ्यास गरिरहेका बेला नारायण गोपालले ठट्टा गरेर उनीहरूलाई उडाउँदै हिन्दी गीतको लय बिगारेर गाउने गर्थे भन्ने उनका समकालीन बताउँछन्