सेञ्चुरी बैंकले ल्यायाे स्मार्ट टेलर संचालनमा

२२ मंसिर, काठमाडाैं । सेञ्चुरी कमर्सियल बैंकले आइतबारदेखि स्मार्ट टेलर संचालनमा ल्याएको छ । यस स्मार्ट टेलर संचालनबाट सेञ्चुरी पे मोबाइल एपबाट क्यूआर स्क्यान गरी नगद झिक्न-निकाल्न सकिने छ ।

ग्राहकवर्गहरूको सेवाका लागि थप सुविधा विस्तार गर्ने उद्देश्यले स्मार्ट टेलर ल्याएको हो । हाल उक्त सेवा केन्द्रीय कार्यालय, काठमाडौंका लागि मात्र लागू हुनेछ ।

निकट भविष्यमा उक्त सुविधा काठमाडौं उपत्यकाबाहिरसमेत लागू गरिने बैंकले जनाएको छ । यो सेवाबाट ग्राहकले एक दिनमा १ लाख रुपैयाँसम्म झिक्न सक्ने र मासिक १० लाख रुपैयाँसम्म झिक्न पाउने र सोका लागि चेक वा डेबिट कार्ड आवश्यक नपर्ने बैंकले बताएको छ ।