शेयरबजारमा रातो रङ, करेक्सन मात्रै हो कि बजार घट्ने संकेत ?
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
मंसिर २४, २०७७ बिहिबार ०:३८:४२
![](https://nepalbahas.prixacdn.net/media/albums/nepse-index_yVd5bGd6KS.jpg)
२४ मंसिर, काठमाडौं । नेपाल स्टक एक्सचेन्ज नेप्से परिसूचक आज ३९.६० अंकले घटेर १ हजार ९५५ दशमलव ७५ बिन्दूमा बन्द भएको छ । कारोबार भएका सबै परिसुचक मध्ये जलविद्युतमा मात्र उछाल आयो । परिसुचक सँगै कारोबार रकममा पनि गिरावट आएको छ ।
यो साता समग्रमा शेयरबजार सुस्त बन्दै गइरहेको छ । बुधबार कारोबार रकम ४ अर्ब ७४ करोड ५६ लाख ४९ हजार २९२ रुपैयाँमा खुम्चिएको छ । आज २०१ कम्पनीका १ करोड ८ लाख २१ हजार ९७२ कित्ता शेयर ४६ हजार ४७५ पटक खरीदबिक्री भएका छन् । मंगलबार ५ अर्ब ७१ करोड ९४ लाख, सोमबार ६ अर्ब ६६ करोड ७९ लाख र आइतबार ७ अर्ब २० करोड ९१ लाख रुपैयाँ बढीको शेयर करोबार भएको थियो ।
व्यापार उपसमूहको सूचक ४.८७ प्रतिशतले घट्दा बैंकिङ्ग, होटल, निर्जीवन बीमा, लघुवित्त, जीवन बीमा, उत्पादन तथा प्रशोधन, अन्यको सूचक २ प्रतिशत बढीले घटेको छ । म्युचुअल फण्ड, विकास बैंक र वित्तको सूचक पनि आरालो लागेका छन् । जलविद्युतको सूचक भने १.२५ प्रतिशतले बढेको छ ।
आज पुनर्बीमा कम्पनीसँगै अपर तामाकोशी हाइड्रोपावरको शेयर उच्च कारोबार भएको छ । पुनर्बीमा कम्पनीको ४२ करोड ४२ लाख ७२ हजारको शेयर कारोबार भएको छ । शेयरमूल्य भने ६५ रुपैयाँले घटेर १५४० रुपैयाँमा ओर्लिएको छ । अपर तामाकोशीको २५ करोड ९४ लाख, अरुण काबेली २३ करोड २१ लाख र नेपाल लाइफको २० करोड २६ लाखको शेयर कारोबार भएको छ ।
रसुवागढी हाइड्रोपावर, नेपाल बैंक, एनटिसी, शिवम् सिमेन्टस्, आईएमई जनरल इन्स्योरेन्स र नागरिक लगानी कोष शीर्ष कारोबार हुने दश कम्पनीभित्र परेका छन् ।
आज कारोबार भएकोमध्ये नारायणी डेभलपमेन्ट बैंक र साञ्जेन जलविद्युत कम्पनीकोृ शेयरमूल्यमा सकारात्मक सर्किट लागेको छ । दुवै कम्पनीको शेयरमूल्य करिब दश प्रतिशतले बढेको छ । रसुवागढी हाइड्रोपावर, प्रभु बैंक संस्थापक, नेपाल ल्यूब आयल, अपर तामाकोशी, राधी विद्युत कम्पनी, युनिलिभर नेपाल लिमिटेड, लिवर्टी इनर्जी र माउन्टेन हाइड्रो नेपाल लिमिटेड आजको बजारमा शेयरमूल्य बढ्ने दश कम्पनीभित्र देखिएका छन् ।
त्यसैगरी अरुण भ्याली र हिमालयन उर्जाको मूल्यमा उच्च गिरावट आएको छ । दुबैको शेयरमूल्य ५ प्रतिशत बढीले गिरावट आएको हो । साल्ट्र ट्रेडिङ्ग कर्पोरेशन, कालिका पावर, विशाल बजार कम्पनी, सूर्योदय लघुवित्त, मिथिला लघुवित्त, प्रभु बैंक, पुनर्बीमा कम्पनी र शिवम् शिमेन्टसको शेयरमा लगानी गरेका लगानीकर्ताले आज गुमाएका छन् ।
उतारचढावका बीच रेकर्ड ब्रेक गरेको नेप्से परिसुचकमा यस हप्ता करेक्सन देखिएको छ । नेपाल राष्ट्र बैंकले शेयर कर्जामा पुर्न विचार गर्न सक्ने अभिव्यक्ति बाहिर ल्याएपछि भने लगानीकर्ताको मनोवल केही खस्किएको झैँ देखिएको छ । नेपालमा रहेका व्यवसायिक घराना र अग्रवाल समुदायले समेत शेयरबजारमा लगानी विस्तार गरिरहेको बेला एकाथरी लगानीकर्ता भने यस साताको गिरावटलाई करेक्सन मात्रै मानिरहेका छन् ।
उनीहरुको तर्क छ, बैंकिङ सुचक त बुम हुन बाँकी नै छ । अहिले बजारको लाल रंङ केवल करेक्सन मात्रै हो । अल्पकालिन लगानीकर्ताहरू नाफा बुक गर्ने हताराेमा देखिएका छन् । तत्कालै नेप्सेमा ठुलो अंकको पहिरो जाने संभावना न्युन रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशेयरबजारमा आज सामान्य अङ्कको वृद्धि, चार अर्बको कारोबार
असार ११, २०८१ मंगलबार
नेप्से सामान्य अंकले बढ्दा पाँच अर्ब माथिको कारोबार
असार १०, २०८१ सोमबार
नेप्सेमा सामान्य गिरावट, ४ अर्बभन्दा बढीको खरिदबिक्री
असार ९, २०८१ आइतबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अष्ट्रेलियालाई २१ रनले पराजित गरेपछि कप्तान राशिद खानले के भने ?
नेपालबहस संवाददाता
असार ९, २०८१ आइतबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
टोली सेमिफाइनलमा पुग्नेबित्तिकै अफगानिस्तानका सडकमा ट्राफिक जाम
असार ११, २०८१ मंगलबार
भारतको लोकसभाको सभामुखमा ओम बिरला निर्वाचित
असार १२, २०८१ बुधबार
झापामा ११ महिनामा ५१ हजार चालकलाई कारबाही
असार १२, २०८१ बुधबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
अविरल वर्षाले पोखरामा सडक भासिँदा आवागमनमा समस्या
असार १२, २०८१ बुधबार
नौ महिनादेखि तलब नपाएको कैलालीका स्वास्थ्यकर्मीको गुनासो
असार १२, २०८१ बुधबार
राष्ट्रपति पौडेलसँग चीनका उपविदेशमन्त्री वेइतोङको शिष्टाचार भेट
असार १२, २०८१ बुधबार