पोखरीमा डुबेर ३ बालिकाको मृत्यु

२८ मंसिर, काठमाडौं । तेह्रथुममा पोखरीमा डुबेर तीन बालिकाको मृत्यु भएको छ । छथर गाउँपालिका–६ सुदापमा पोखरीमा डुबेका तीन बालिकाको मृत्यु भएको हो । स्थानीय कृषक समूहले सिँचाइका लागि बनाएको प्लास्टिक पोखरीमा डुबेर बालिकाहरुको मृत्यु भएको प्रहरीले जनाएको छ ।

मृत्यु हुनेमा कोपिला लिम्बुकी ७ वर्षीया छोरी रञ्जना, ६ वर्षीया रोजिना र देवेन्द्र लिम्बुकी ८ वर्षीया छोरी सुहाना छन् । गाउँपालिका अध्यक्ष सन्तविर लिम्बुले पोखरीमा पौडी खेल्ने क्रममा डुबेर उनीहरुको मृत्यु भएको जानकारी दिएका हुन् ।