‘प्रेमको गहिराई‘’ शीर्षकको गीतको म्युजिक भिडियो प्रिमियर

२८ मंसिर, काठमाडौं । गायक रोजल शाहीको स्वरमा रेकर्ड भएको ‘प्रेमको गहिराई‘’ शीर्षकको गीतको म्युजिक भिडियो शनिवार प्रिमियर गरिएको छ । काठमाडौंमा आयोजित एक समारोहमा उक्त गीतको भिडियो प्रिमियर गरिएको हो ।

उक्त गीतमा अनिल शाहीको शब्द तथा संगीत सुन्न सकिन्छ । प्रिमियर कार्यक्रममा उपस्थित संगीतकर्मीहरुले गायक रोजल शाहीको स्वरको प्रशंसा गर्नुका साथै गीत र भिडियोको सफलताको कामना गरेका थिए ।

उक्त गीतको मिक्सिङ तथा मास्टरिङ ब्लुबेरी स्टुडियोमा गरिएको हो । गीतको म्युजिक भिडियोमा पनि गायक रोजल शाहीले नै अभिनय गरेका छन् । भिडियोमा गायक शाहीलाई अञ्जु चौलागाईंले अभिनयमा साथ दिएकी छिन् ।

सोहन मानन्धरको छायांकन तथा सम्पादन रहेको उक्त भिडियोलाई अनिल शाहीले निर्देशन गरेका हुन् । हाइलाइट्स रेकर्डको यूट्युब च्यानलबाट उक्त भिडियो सार्वजनिक गरिएको हो ।