अब टेलिकमले आफ्नै आईपी टेलिभिजन सेवा दिने

९ पुष, काठमाडौं । नेपाल टेलिकमले अब आफ्नै आईपी टेलिभिजन सेवा दिने भएको छ । कम्पनीका अनुसार आगामी अंग्रेजी नयाँ वर्षबाट टेलिकमले आईपी टीभी सेवा दिन तयारी गरेको हो ।

टेकिलमका अनुसार टेलिभिजन सेवाका लागि अहिले परीक्षण प्रसारण भइरहेको छ।जनवरी १देखि सेवा सुरु गर्न विभिन्न तयारी अघि बढाइएको छ ।अहिले विदेशी टेलिभिजनका क्लिन फिड कन्टेन्ट र प्याकेजलाई सेवामा जोड्ने काम धमाधम भइरहेको कम्पनीले बताएको छ ।

टेलिकमको एफटीटीएच ‘फाइबर टु दि होम’ मार्फत इन्टरनेट सेवा लिइरहेका ग्राहकले अब टेलिकमकै आईपी टीभी चलाउन पाउनेछन् ।यो सेवा सुरु भएपछि टेलिकमका एफटीटीएच इन्टरनेटका ग्राहकले टेलिफोन, इन्टरनेट र टेलिभिजन सेवा एउटै सीपीईबाट पाउन सक्नेछन् ।

एउटै सीपीईबाट टेलिफोन, इन्टरनेट र टेलिभिजनको सेटटप बक्समा लाई लैजान सकिनेछ ।  टेलिकमले यसका लागि व्यवसायिक योजना पनि ल्याउन तयारी गरेको छ । आईपी टीभीको सहुलियत दरको सेवा शुल्कसहितको बजार रणनीति तय गरेर इन्टरनेटका ग्राहकहरु बढाउने योजनामा टेलिकम छ ।

अहिले विभिन्न निजी स्तरका इन्टरनेट सेवा प्रदायकले आईपी टिभी सेवा दिइरहेका छन् । प्रवन्ध निर्देशक अधिकारीका अनुसार आईपी टीभी लगत्तै टेलिकमले निकट भविष्यमै आफ्नै मोबाइल टेलिभिजनको ‘ओटीटी ९ओभर दि टप० पनि सञ्चालनमा ल्याउने छ । अहिले निजी सेवा प्रदायकमार्फत मात्रै टेलिकमले मोबाइल टीभीको ओटीटी सेवा दिइरहेको छ ।