सोसल सेन्ट्रल सिटीले दियो सौर्य उर्जा उपहार

१७ पुष, स्याङ्जा । लायन्स क्लब अफ पोखरा सोसल सेन्ट्रल सिटीले स्याङ्जाको पाणीनी आश्रममा सौर्य उर्जा प्रणालीको जडान सहयोग गरेको छ । पुतलीबजार नगरपालिका वडा नम्बर १४ लामागे, पण्डितडााडामा अवस्थित पाणीनी आश्रममा बिद्युत अवरोधका बेला समस्या नहोस भनि सौर्य उर्जा प्रणाली जडान गरेको हो ।

क्लबले शुक्रवार एक कार्यक्रमको आयोजना गरी आश्रमका अध्यक्ष स्वामी ईश्वरानन्दलाई उक्त सहयोग हष्तान्तरण गरेको हो । सौर्य उर्जा प्रणालीको ब्यबस्थापन तथा संयोजन क्लबका दित्तिय उपाध्यक्ष लायन अरुण गिरीले गरेका हुन् ।

सहयोग हस्तान्तरण कार्यक्रममा बोल्दै लायन्स ईन्टरनेसनल ३२५ बि १ का को चिफ एड्भाईजर चण्डी अर्यालले लायन्स क्लब अफ पोखरा सोसल सेन्ट्रल सिटीले स्थापनाको पहिलो वर्षमा नै समाज सेवाको क्षेत्रमा उल्लेख्य योगदान पु¥याईरहेकोमा प्रशंसा गरे । उनले लायन्स क्लबहरु शहर केन्द्रित मात्रै हुनु नहुनेमा जोड दिदै दुरदराजका गाउँहरुमा समाजसेवा केन्द्रित गर्नुपर्ने आवश्यकता औल्याए ।

कार्यक्रममा रीजनल चियरपर्सन बाशु कोईराला, जोन चियरपर्सन लायन चेतन कार्की, लायन्स क्लब अफ स्याङ्जाका अध्यक्ष धु्रबबन्धु पौडेल, क्लबका प्रथम उपाध्यक्ष लायन बाबुराम घिमिरे लगायतले लायन्स क्लबका सदस्यहरुको सहयोगलाई आम नागरीकले महत्वपूर्ण रपमा लिने गरेको तर लायनवादका बारेमा अनेकन भ्रम फैल्याउने गरेकोमा चिन्ता व्यक्त गरे ।

क्लबका अध्यक्ष लायन ध्रुबबन्धु पोखरेलको अध्यक्षतामा सम्पन्न कार्यक्रममा पुतलीबजार नगरपालिका वडा नम्बर १४ का जनप्रतिनिधी तिलकुमारी रेग्मी, क्लबका सहसचिव ऋषिकान्त पौडेल, समाजसेवी तथा राजनितिज्ञ तुलसी गिरी, आश्रममा अध्यक्ष स्वामी ईश्वरानन्द लगायतले लायन्सक क्लबले गर्ने सहयोगका विभिन्न कार्यक्रमका बारे चर्चा गरेका थिए । कूल २५ जना वटुक अध्ययनरत उक्त संस्कृत आश्रम आर्थिक अभावका कारण विद्युत महसुल भुक्तानी गर्नसमेत कठीन अवस्थामा रहदै आएको थियो ।