कसैले पनि नबिल बैंकसँग चन्दा मागेका छैनन्

१९ पुष, काठमाडौं । नबिल बैंकले विभिन्न मिडियाहरूमा नबिल बैंकसँग सरकार सम्बद्ध व्यक्तिहरूले चन्दा मागेकोे खबर आधारहिन र भ्रामक भएको पुष्टि गरेको छ । नबिल बैंकले एक विज्ञप्ति जारी गर्दै त्यस्ता समाचारमा ध्यानाकर्षण भएको र त्यस्ता समाचारहरूमा विमत्ति राख्दै कुनै सत्यता नभएको कुरा प्रष्ट पारेको छ ।

प्रमुख कार्यकारी अधिकृत अनिल केशरी शाहले जारी गरेको विज्ञप्तिमा भनिएको छ :– नबिल बैंकसँग सरकार सम्बद्ध कुनै व्यक्तिले आजका मितिसम्म फोन नगरेको र चन्दा पनि नमागेको अवगत गराउन चाहन्छौं । नबिल बैंक विगत ३६ वर्षदेखि निरन्तर नेपाली समाजमा वित्तीय सेवा प्रदान गर्दै आइरहेको ‘क’ वर्गको वाणिज्य बैंक हो, जसको नेपाल राष्ट्र बैंकबाट नियमन भइरहेको छ । नबिल बैंक नियामक, शेयरधनी, ग्राहक तथा सम्बन्धित सबै निकायहरू प्रति यहा“हरूको विश्वासको लागि हार्दिक आभार व्यक्त गर्दछ ।