यी हुन् एयरपोर्टबाट पक्राउ परेका नक्कली पीसीआरधारी

१९ पुष, काठमाडौं । नक्कली पीसीआर रिर्पोट बोकेर दुबई जान लागेका ७ जना युवाको नाम सार्वजनिक भएको छ । नक्कली पीसीआर रिर्पोट बनाएर दुबई जान लागेका उनीहरुको नाम प्रहरीले सार्वजनिक गरेको हो ।

पक्राउ पर्नेमा सल्यान खइरागरका दिनेश सिंह, धनुषा भुचक्रपुरका तेज नारायण महत्तो, धनुषाकै लक्ष्मीनिवासका छेदी महत्तो, धनुषा बत्तेश्‍वरका सोलेन्द्र महत्तो रहेका छन् ।

यस्तै मकवानपुर चिसापानीका रोशन प्रसाद आचार्य, अर्घाखाँची छत्रदेवका प्रविन भट्टराई, सिन्धुपाल्चोक लब्सेका माइला तामाङ पनि पक्राउ परेका छन् । पक्राउ परेका ७ जनामाथि नै थप अनुसन्धान चलिरहेको प्रहरीले जनाएको छ ।