बर्दियामा लडियासँग मोटरसाइकल ठोक्किदा एकको मृत्यु

२४ पुष, काठमाडौं । बर्दियामा मोटरसाइकल दुर्घटना हुँदा एक युवकको मृत्यु भएको छ ।  बर्दिया प्रहरीले दएकाे जानकारी अनुसार दुर्घटनामा परी ठाकुरबाबा नगरपालिका वडा नं १ डुम्रेनीका त्रिभुवन आचार्यकाे  मृत्यु भएको हो ।

पूर्वपश्चिम राजमार्गमा पर्ने भुरिगाउँ बजारदेखि करिब ३ किलोमिटर रानिपुर नजिकै पश्चिमतिर गइरहेको मोटरसाइकल लडियामा  ठोक्किदा उक्त दुर्घटना भएको प्रहरीले बताएको छ ।

मोटरसाइकल दुर्घटना हुँदा एक जना गम्भीर घाइते भएका छन । घाइते हुनेमा सोही ठाउँकै तिर्थ आचार्य भएको प्रहरीले जनाइएको छ ।