एनसीसी बैंकको शेयरमा लगानीकर्ता किन भुम्मिए ? यस्तो छ कारण ?

११ माघ, काठमाडौं । नेपाल क्रेडिट एन्‍ड कमर्स बैंक लिमिटेडको शेयर खरिदमा लगानीकर्ता भुम्मिएका छन् । एकाएक बैंकको शेयरमा लगानीकर्ता भुम्मिएपछि बैंकसँग नेप्सेले कारण सोधेको छ ।

मूल्यमा प्रभाव गर्ने कुनै निर्णय गरेको आशंकामा बैंकलाई नेप्सेले केरकार गरेको हो । बैंकलाई तीन दिनभित्र जवाफ दिन नेप्‍सेले भनेको छ ।

एनसीसी बैंकको शेयर मूल्य ९.९७ प्रतिशतले वृद्धि भएको छ । ३३ अंकले बढेको एनसीसीको शेयर मूल्य ३ सय ६४ रुपैयाँ पुगेको थियो ।कारोबार खुलेको दुई मिनेटमा ३३ अंकले बढेको एनसीसीको शेयरको खरिदमा उच्च चाप परेको थियो ।

नबिल बैंकसँगको मर्जरको समाचार आएसँगै लगानीकर्ताहरु एनसीसी बैंकको शेयरमा भुम्मिएको सरोकारवाला बताउछन् । जसले गर्दा बैंकको शेयरमूल्यमा वृद्धि भइरहेको छ ।