२७ वाणिज्य बैंकः- कुनको मुनाफा बढ्यो कुनको घट्यो ?

१६ माघ, काठमाडौ । आर्थिक वर्ष २०७७/८८को पुष मसान्तसम्मको नेप्सेमा सूचीकृत २६ वटै वाणिज्य बैंकले वित्तीय विवरण सार्वजनिक गरेका छन् । सार्वजनिक वित्तीय विवरण अनुसार केही बैंकको नाफा बढेको छ भने धैरैको नाफा घटेको छ । स्प्रेडदर कटौती, कोरोनाको प्रभाव लगायतका कारण मुनाफा घटेको हो ।

कोरोनाका कारण यसबीचमा ठूला परियोजनामा कर्जा प्रवाह हुन सकेको छैन । वित्तीय प्रणालीमा तरलता थुप्रिएको छ । यसको असर पनि केही हदसम्म वित्तीय विवरणमा परेको देखिन्छ । केन्द्रीय बैंकको निर्देशन अनुसार स्प्रेडदर कटौतीले पनि मुनाफा प्रभावित भएको बैंकरहरुको भनाई छ । कतिपय कर्जामा प्रोभिजन पनि बढाउनु परेको अवस्था छ ।

चालु आर्थिक वर्षको दोस्रो त्रैमाससम्म आइपुग्दा सबैभन्दा धेरै मुनाफा कमाउनेमा ग्लोबल आइएमई बैंक रहेको छ । यसको नाफा ३७.३२५ ले बढेर २ अर्ब ३१ करोड ५१ लाख १८ हजार रुपैयाँ पुगेको छ ।

यसको चुक्ता पुँजी पनि सबैभन्दा बढी छ ।यस्तै, २ अर्बभन्दा धेरै मुनाफा कमाउनेमा नबिल र एनआईसी एसिया बैंक पनि रहेका छन् । सबैभन्दा धेरै मुनाफा बढाउनेमा कुमारी बैंक रहेको छ । यसको मुनाफा ५१.४९५ ले बढेर १ अर्ब २१ करोड ६५ लाख ५८ हजार रुपैयाँ पुगेको छ । यसअवधिमा १० बैंकको मुनाफा बढेको छ भने १६ बैंकको घटेको छ ।

मुनाफा बढेका बैंकहरु:-

मेगा बैंकको मूनाफा भने बढेको देखिएको छ । बैंकले दोस्रो त्रैमासम्म १ अर्ब ३० करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ३७.२८ प्रतिशत बढी हो । गत आर्थिक वर्षको सोही अवधिसम्ममा बैंकले ९५ करोड २ लाख मूनाफा कमाएको थियो ।

सनराइज बैंक लिमिटेडले चालु आर्थिक वर्षको दोस्रो त्रैमाससम्म सामान्य रुपले मूनाफामा बढेको छ । दोस्रो त्रैमासम्म बैंकले ९४ करोड ९४ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ०.५३ प्रतिशत बढी हो । गत आर्थिक वर्षको सोही अवधिसम्ममा बैंकले ९४ करोड ४३ लाख रुपैयाँ खुद मुनाफा कमाएको थियो।

प्राइम कमर्शियल बैंक लिमिटेडको मूनाफा भने बढेको देखिएको छ । बैंकले दोस्रो त्रैमासम्म १ अर्ब ८१ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ३९.४० प्रतिशत बढी हो । गत आर्थिक वर्षको सोही अवधिसम्ममा बैंकले १ अर्ब ३० करोड मूनाफा कमाएको थियो ।

ग्लोबल आइएमई बैंक लिमिटेडको मूनाफा बढेको देखिएको छ । बैंकले दोस्रो त्रैमासम्म २ अर्ब ३१ करोड रुपैयाँ मूनाफा आर्जन गरेको छ। यो गत आर्थिक वर्षको सोही अवधिको तुलनामा ३७.७२ प्रतिशत बढी हो । गत आर्थिक वर्षको सोही अवधिसम्ममा बैंकले १ अर्ब ६८ करोड मूनाफा कमाएको थियो।

एनआईसी एशिया बैंक लिमिटेडको मूनाफा बढेको देखिएको छ । बैंकले दोस्रो त्रैमासम्म २ अर्ब ६ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा २.१९ प्रतिशत बढी हो । गत आर्थिक वर्षको सोही अवधिसम्ममा बैंकले २ अर्ब १ करोड मूनाफा कमाएको थियो ।

एनएमबि बैंक लिमिटेडको मूनाफा बढेको देखिएको छ । बैंकले दोस्रो त्रैमासम्म १ अर्ब ६१ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ४७.६९ प्रतिशत बढी हो । गत आर्थिक वर्षको सोही अवधिसम्ममा बैंकले १ अर्ब ९ करोड मूनाफा कमाएको थियो ।

कुमारी बैंकले दोस्रो त्रैमाससम्ममा १ अर्ब २१ करोड मुनाफा आर्जन गरेको छ । बैंकले गतबर्ष यही समयमा तुलनामा ४१ करोड ३५ लाख रुपैयाँ अर्थात ५१.४९ प्रतिशत मुनाफा बढाएको हो ।

सिटिजन्स इन्टरनेशनल बैंकले चालू आर्थिक वर्षको दोस्रो त्रैमाससम्ममा ८७ करोड ५१ लाख मूनाफा आर्जन गरेको छ । बैंकले गत वर्ष यही समयमा ६८ करोड ७७ लाख मुनाफा कमाएको थियो । जुन गत वर्षको तुलनामा आर्थिक वर्ष २७ प्रतिशतले बढी हो ।

नेपाल बंगलादेश बैंकले चालू आर्थिक वर्षको दोस्रो त्रैमाससम्मा ९४ करोड १२ लाख खुद मुनाफा आर्जन गरेको छ । यो गत आर्थिक वर्षको सोही अवधिको तुलनामा १६.५२ प्रतिशत बढी हो । गत आर्थिक वर्षको सोही अवधिसम्ममा बैंकले ८० करोड ७७ लाख रुपैयाँ  मुनाफा कमाएको थियो ।

प्रभु बैंक लिमिटेडले १ अर्ब ५१ करोड ८६ लाख रुपैयाँ मूनाफा आर्जन गर्न सफल भएको छ । यो गत आर्थिक वर्षको सोही अवधिको तुलनामा ३९.८७ प्रतिशत बढी हो। गत आर्थिक वर्षको सोही अवधिसम्ममा बैंकले १ अर्ब ८ करोड रुपैयाँ खुद मुनाफा कमाएको थियो।

मुनाफा घटेका बैंकहरु:-

सानिमा बैंक लिमिटेडको मूनाफा घटेको देखिएको छ । बैंकले दोस्रो त्रैमासम्म १ अर्ब ६ करोड २७ लाख रुपैयाँ खुद मुनाफा आर्जन गरेको छ । यो गत आर्थिक वर्षको सोही अवधिको तुलनामा ७.३८ प्रतिशत कम हो । गत आर्थिक वर्षको सोही अवधिसम्ममा बैंकले १ अर्ब १४ करोड ४७ लाख रुपैयाँ खुद मुनाफा कमाएको थियो।

हिमालयन बैंक लिमिटेडको मूनाफा घटेको देखिएको छ । बैंकले दोस्रो त्रैमासम्म ६५ करोड २२ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ६२.५० प्रतिशत कम हो । गत आर्थिक वर्षको सोही अवधिसम्ममा बैंकले १ अर्ब ७४ करोड मूनाफा कमाएको थियो ।

नविल बैंक लिमिटेडको मूनाफा पनि घटेको देखिएको छ । बैंकले दोस्रो त्रैमासम्म २ अर्ब १ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १.२६ प्रतिशत कम हो । गत आर्थिक वर्षको सोही अवधिसम्ममा बैंकले २ अर्ब ४ करोड मूनाफा कमाएको थियो।

एभरेष्ट बैंक लिमिटेडको धेरै अन्तरमा मूनाफा घटेको देखिएको छ । बैंकले दोस्रो त्रैमासम्म ९६ करोड १९ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ३६.२९ प्रतिशत कम हो । गत आर्थिक वर्षको सोही अवधिसम्ममा बैंकले १ अर्ब ५० करोड मूनाफा कमाएको थियो।

कृषि विकास बैंक लिमिटेडको मूनाफा घटेको देखिएको छ । बैंकले दोस्रो त्रैमासम्म १ अर्ब ३२ रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १६.४४ प्रतिशत कम हो । गत आर्थिक वर्षको सोही अवधिसम्ममा बैंकले १ अर्ब ५८ करोड मूनाफा कमाएको थियो ।

स्टान्डर्ड चार्टर्ड बैंक लिमिटेडको पनि ज्यादै धेरै मूनाफा घटेको देखिएको छ । बैंकले दोस्रो त्रैमासम्म ७२ करोड ७६करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ४०.६९ प्रतिशत कम हो । गत आर्थिक वर्षको सोही अवधिसम्ममा बैंकले १ अर्ब २२ करोड मूनाफा कमाएको थियो ।

एसबिआई बैंकको मूनाफा घटेको देखिएको छ । बैंकले दोस्रो त्रैमासम्म ५१ करोड ४८ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ४८ प्रतिशतले कम हो । गत आर्थिक वर्षको सोही अवधिसम्ममा बैंकले १ अर्ब ७ लाख मूनाफा कमाएको थियो ।

नेपाल क्रेडिड एण्ड कर्मसको मूनाफा घटेको देखिएको छ । बैंकले दोस्रो त्रैमासम्म ६१ करोड ४० करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १८ प्रतिशतले कम हो । गत आर्थिक वर्षको सोही अवधिसम्ममा बैंकले ७५ करोड ६३ लाख मूनाफा कमाएको थियो ।

माछापुच्छ्रे बैंकको मूनाफा घटेको देखिएको छ । बैंकले दोस्रो त्रैमासम्म ८० करोड २७ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा २ प्रतिशतले कम हो । गत आर्थिक वर्षको सोही अवधिसम्ममा बैंकले ८२ करोड १८ लाख मूनाफा कमाएको थियो ।

सिद्धार्थ बैंकको मूनाफा घटेको देखिएको छ । बैंकले दोस्रो त्रैमासम्म ९१ करोड ८७ करोड रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १०.५० प्रतिशतले कम हो । गत आर्थिक वर्षको सोही अवधिसम्ममा बैंकले १ अर्ब २ करोड मूनाफा कमाएको थियो ।

लक्ष्मी बैंकको मूनाफा घटेको देखिएको छ । बैंकले दोस्रो त्रैमासम्म ८० करोड ७१ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १०.६२ प्रतिशतले कम हो । गत आर्थिक वर्षको सोही अवधिसम्ममा बैंकले ९० करोड ३० लाख मूनाफा कमाएको थियो ।

सिभिल बैंकको मूनाफा घटेको देखिएको छ । बैंकले दोस्रो त्रैमासम्म २० करोड २० लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा ३५.८४ प्रतिशतले कम हो । गत आर्थिक वर्षको सोही अवधिसम्ममा बैंकले ३१ करोड ६२ लाख मूनाफा कमाएको थियो ।

बैंक अफ काठमान्डूको मूनाफा घटेको देखिएको छ । बैंकले दोस्रो त्रैमासम्म ७० करोड ८५ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा १९.८४ प्रतिशतले कम हो । गत आर्थिक वर्षको सोही अवधिसम्ममा बैंकले ८८ करोड ३८ लाख मूनाफा कमाएको थियो ।

नेपाल इन्भेष्टमेन्ट बैंकले दोस्रो त्रैमाससम्ममा १ अर्ब ५८ करोड ६६ लाख खुद मुनाफा कमाउन सफल भएको छ । बैंकले गत आर्थिक वर्षको यही अवधिमा १ अर्ब ६६ करोड मुनाफा गरेको थियो । यो गत आर्थिक वर्षको तुलनामा ४।७७ प्रतिशतले कमी हो ।

नेपाल बैंक लिमिटेडको चालु आर्थिक वर्षको दोस्रो त्रैमासको विवरण अनुसार बैंकको मुनाफा घटेको छ। पुष मसान्तसम्ममा बैंकले १ अर्ब ३५ करोड ४ लाख रुपैयाँ मूनाफा आर्जन गरेको छ। यो गत आर्थिक वर्षको सोही अवधिको तुलनामा १९ लाख ७३ हजार रुपैयाँ कम हो । गत आर्थिक वर्षको सोही अवधिसम्ममा बैंकले १ अर्ब ३५ करोड २३ लाख रुपैयाँ मूनाफा कमाएको थियो ।

सेञ्चुरी बैंक मूनाफा घटेको देखिएको छ । बैंकले दोस्रो त्रैमासम्म ४६ करोड ६५ लाख रुपैयाँ मूनाफा आर्जन गरेको छ । यो गत आर्थिक वर्षको सोही अवधिको तुलनामा २८.२४ प्रतिशतले कम हो । गत आर्थिक वर्षको सोही अवधिसम्ममा बैंकले ६५ करोड २ लाख मूनाफा कमाएको थियो ।