११ कम्पनीको शेयरमूल्य ९ प्रतिशत भन्दा बढीले वृद्धि

२२ माघ, काठमाडौं । बिहीवार कारोबार भएको तेस्रो घण्टामा नेप्से परिसूचक ८ अंकले बढेर २ हजार ४७७ दशमलव ९२ विन्दुमा पुगेको छ । यस अवधिमा परिसूचक शून्य दशमलव ३२ प्रतिशतले बढेको हो ।

दोस्रो घण्टाको अवधिमा १९७ ओटा कम्पनीको करिब ५ अर्ब बराबरको शेयर खरीदविक्री भएको छ ।

कारोबारको दोस्रोतेस्रो घण्टामा घण्टामा सूर्योदय लघुवित्तको शेयरमूय १० प्रतिशतले बढेको छ । त्यस्तै जनउत्थान सामुदायिक लघुवित्त, उन्नति सहकार्य लघुवित्त, किसान लघुवित्त, सपोर्ट माइक्रोफाइनान्स, ग्रामीण विकास लघुवित्त, राधी जलविद्युत, महुली लघुवित्त, सिनर्जि पावर कम्पनी र बरुण हाइड्रोपावरको शेयरमूल्य ९ प्रतिशतभन्दा बढीले वृद्धि भएको छ ।

यस अवधिसम्म जनउत्थान सामुदायिक लघुवित्तको सर्वाधिक कारोबार भएको छ । उक्त कम्पनीको १८ करोड ९३ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य ३ हजार ७४५ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा नेपाल पुनर्बीमा कम्पनी रहेको छ । उक्त कम्पनीको प्रतिकित्ता १ हजार ६०६ मा १६ करोड ४५ लाख बराबरको शेयर खरीदविक्री भएको छ ।