नयाँ पुस्तालाई पत्रकारिताको भोक जगाउँदै महासङ्घ

२६ माघ,बलेवा । आउने पछिल्यो पुस्तालाई मध्यनजर गर्दै वातावरण पत्रकार महासङ्घ बागलुङ शाखाले पत्रकारिताको तालीम सञ्चालन गरेको छ । पत्रकारिताको भोक जगाउने उदेश्यका साथ शाखाले उक्त तालीम सञ्चालन गरेको हो ।

बागलुङ नगरपालिका–८ सिगानाकी कृति थापा कानूनको विद्यार्थी हुन । अध्ययन गरेको विषयलाई फर्केर हेर्दा उनको भविष्यको मुख्य काम उभिएर बहस पैरवी गर्ने हो तर उनलाई उभिएर बोल्न भनेपछि उभिनु पहिले नै हातगोडा सेलाएजस्तै हुन्थ्यो ।

शाखाले सञ्चालन गरेको पाँच दिने पत्रकारिता तालीममा कृति पनि सहभागि भईन् । अहिले कृतिको धेरै मान्छेका अगाडि उभिदासमेत हात काप्दैन् । खुट्टा लुलिएको जस्तो पनि लागेको छैन् । उनी निर्धक्क का साथ बोल्न सक्छिन् ।

कृतिसंगै ४० युवायुवतिका लागि बोल्ने र लेख्ने सिक्ने अवसर पाएका छन् । कोरोना महामारीपछिको संक्रमणका कारण भएका पत्रकारकै पेशागत सुरक्षाका लागि पौठेजोजी खेलिरहेको महासङ्घले नयाँ पत्रकार पेशामा प्रवेशको अभियान चलाएको छ ।

बागलुङ नगरपालिकाको साथ महासङ्घलाई छ । पाँच दिवसीय निःशुल्क पत्रकारिता तालीममा बागलुङका अनुभवी पत्रकारको प्रशिक्षण लिएका युवायवतीले समापनमा आशाको सन्देश प्रवाह गरेका छन् ।

तालीम सकिएपछि तालीममा सहभागीहरुले आयोजकलाई धन्यवाद दिएका छन् । पत्रकार महासङ्घका अध्यक्ष दिल शिरीषले योग्य पत्रकारलाई जहाँ पुग्दा पनि खोसाखोस हुने गरेको बताएका छन् । आधारभूत तालीममा पत्रकारिताका सबै पक्षको सामान्य जानकारी दिँदा मात्रै अहिलेको पुस्ताले त्यसको गहन अध्ययन आफै गर्नसक्ने उनको बुझाइ छ ।