अनुभवी बैंकर राणा सनराइज बैंकको नायब प्रमुख कार्यकारीमा बढुवा

२६ माघ, काठमाडौं । सनराइज बैंकले नायव प्रमुख कार्यकारी अधिकृतमा आरती राणालाई नियुक्त गरेको छ ।

संचालक समितिको मिति २०७७ माघ २६, सोमबार बसेको बैठकको निर्णय अनुसार श्रीमती आरती राज्यलक्ष्मी राणा नायव प्रमुख कार्यकारी अधिकृतमा बढुवा भएकीि हुन् । विगत १९ वर्षदेखि बैकिङ्ग क्षेत्रमा कार्यरत रहेकी राणा २०७६ कात्तिकमा सन्राइज बैंकको नायब महाप्रबन्धकको रुपमा प्रवेश गरेकी थिइन् ।

एसआइबिएम (SIBM COLLEGE) भारतको पुनेबाट एमबिए (MBA) गरेकीे राणाले सन् २००२ मा एभरेष्ट बैंकको म्यानेजमेन्ट ट्रेनीका रुपमा आफ्नो बैंकिङ्ग करियर सुरु गरेकी थिइन् । एभरेष्ट बैंकमा पाँच वर्ष कार्य पश्चात ग्लोबल आइएमइ बैंकमा डेपुटी म्यानेजरका रुपमा काम गरेको अनुभव राणासँग छ । उनले १२ वर्ष उक्त बैंकमा काम गरेकी थिइन् ।

राणाले बैकले आफू प्रति गरेको विश्वासलाई कदर गर्दै आगामी दिनमा बैंकलाई अझै उचाईमा पु¥याउन लागि पर्ने प्रतिबद्घता जनाएको बैंकले जारी गरेको विज्ञप्तिमा उल्लेख गरिएको छ ।