डा. बाबुराम भट्टराई नेपाल आइपुगे

१८ फागुन, काठमाडौं । दिल्लीमा उपचार गराएर पूर्वप्रधानमन्त्री एवम् जनता समाजवादी पार्टी ‘जसपा’ को संघीय परिषदका अध्यक्ष डा.बाबुराम भट्टराई मंगलबार नेपाल आइपुगेका छन् ।

स्वास्थ्य परीक्षणका लागि भारतको राजधानी दिल्ली गएका उनी उपचार पूरा भएपछि मंगलबार अपरान्ह काठमाडौं आएका हुन्  न्युरो-इन्डोक्राइनको ट्युमरमा क्यान्सर भएको आशङ्कामा परीक्षणका लागि नयाँ दिल्ली पुगेका भट्टराईले त्यहाँस्थित यकृत एवं पित्त विज्ञान संस्थानमा स्वास्थ्य परीक्षण गराएका थिए ।

बायोप्सी परीक्षणपछि चिकित्सकहरुले क्यान्सर नभएको निष्कर्ष निकालेका छन् । तर, दुईरतीन महिनामै ट्युमरलाई शल्यक्रिया गरी फाल्न चिकित्सकले सुझाव दिएका छन् । तत्कालै शल्यक्रिया नभए क्यान्सरको खतरा हुने चिकित्सकको सुझाव छ । भट्टराई यही फागुन ९ गते नयाँ दिल्ली गएका थिए ।