नेप्सेमा सिभिल लघुवित्तको शेयरमूल्य समायोजन

२० फागुन, काठमाडौं । नेप्सेले बिहीवार सिभिल लघुवित्त वित्तीय संस्था लिमिटेडको बोनस शेयरको मूल्य समायोजन गरेको छ ।

नेप्सेले ३ दशमलव ५ प्रतिशत बोनस शेयरको समायोजनपछि शेयरमूल्य ९६६ तोकेको छ ।

कम्पनीको अघिल्लो कारोबारको दिन अर्थात बुधवार कायम अन्तिम शेयरमूल्य १ हजारको आधारमा शेयरमूल्य समायोजन भएको हो ।

कम्पनीले लाभांश तथा साधारण सभा प्रयोजनार्थ बिहीवार बुकक्लोज गरेसँगै नेप्सेले शेयरमूल्य समायोजन गरेको हो ।

कम्पनीले ३ दशमलव ५ प्रतिशत बोनस शेयर र शून्य दशमलव १८ प्रतिशत नगद लाभांश (कर समेत) पारित गर्न चैत ५ गते वार्षिक साधारण सभा बोलाएको छ । कम्पनीले बोगनभिल्ला इभेन्ट्स त्रिपुरेश्वरमा बिहान ११ बजे सभा बोलाएको हो ।