नारायणगढ-मुग्लिङ सडक साढे ४ घण्टा बन्द हुने

२१ फागुन, चितवन । आइतबारदेखि एक सातासम्म नारायणगढ- मुग्लिङ सडकखण्ड एक सातासम्म बन्द हुने भएको छ । दिउँसोको समयमा साढे ४ घण्टा बन्द हुने भएको हो । उक्त सडक खण्डको चारकिलोमा पहिरो रोकथामको काम गर्ने भएकाले बन्द गर्न लागिएको आयोजनाले बताएको छ ।

मुग्लिन नारायणगढ सडक आयोजना कार्यालयका अनुसार फागुन २३ गतेदेखि २९ गतेसम्म बिहान १०.३० देखि ३ बजेसम्म सडक दुइतर्फी रूपमै बन्द हुनेछ । उक्त समयअवधिभर नारायणगढ तर्फबाट गएका सवारी साधन जलबिरे र मुग्लिङतर्फबाट आउने सवारी साधनलाई मुग्लिङ नजिक शान्तिबजारमा रोकिने जिल्ला ट्राफिक प्रहरी कार्यालय चितवनले जनाएको छ ।

उक्त अवधिभर सम्भव भएसम्म वैकल्पिक सडकमार्ग प्रयोग गर्न प्रहरीले सर्वसाधारणलाई आग्रह गरेको छ ।