कबिता : मेरो बर्दिया म बर्दियाली

प्रत्येक दिन सुर्यास्त पस्चात
अन्धकार छाँउछ बस्तीमा
अनि बथानका बथान।
बन्यजन्तुहरु लस्करै
निस्कन्छ्न गस्तीमा !

केही हुल पैदवारहरु वर्ष
भरीको खर्च जोहो गर्ने मेरो
सपनाको बारीमा मध्होस भै
पर्यटन खेल्छ्न अनि
म अत्तालियर प्रतिकारमा
उत्रीदा निकुन्जले मलाइ
चोरी सिकारको बिल्ला
टासी दिन्छ ।

म सहर्ष स्वकार्छु किनकि ?
म बर्दियाली हुं ।
म संरक्षण प्रेमि बर्दियाली
म संरक्षण सुत्छु, संरक्षण उठ्छु
मेरो दिनचर्या संरक्षण !!

आफ्नो घरको सदस्य ढालेर पनी
आफ्नो गांस कटाएर बन्यजन्तु पालेर पनी
म प्रशासनको नज मा संरक्षण बिरोधी !!

मलाई जीबन भन्दा प्यारो जनावर लाग्दछ
मलाइ परिवार भन्दा प्यारो पर्याबरण लाग्दछ
र त जोखिमको आबरण च्यातेर पनी
मेरो सेरोफेरोको वाताबरण संरक्षणमा
होमिन्छु!

र त दिनंहु परिवारको सदस्य गुमाउदा पनी
बिक्षिप्तता, आक्रोस र क्रोधको बाफजुध
मौन छु ! आफ्नो घर उजांड पारेर पनि
प्रकृतिलाइ हरियाली छर्छु किनकी ?
म संरक्षण प्रेमी बर्दियाली ।

न त कसैसँग सम्झौता गरें न त सवाल
खै जीबन सङ्ग जोडिएर आउने ?
जीबनयापन, जीन्दगी निर्बाहा को
लागी रोजगार, ? खै ? मेरो
जीबिकोपार्जन, आय आर्जन अनि
खै ? सिप र प्रबिधि खै बिकास
कहांँ छ सम्बृद्दी ?

बिश्वभरीका पाहुनाहरुलाई
प्राकृतिक अनुपम को रसपान गराउने बर्दिया
बिश्वभरि का प्रकृति प्रेमीहरुलाई
जैबिक बिबिधता को सगुन दिलाउने बर्दिया
राज्यलाई डलर को बर्सात गराउने बर्दिया
अझ भनौ बिश्व ले मानेको र चिनेको बर्दिया!

बिश्वलाई संरक्षण को बिश्वास दिलाउने बर्दिया
तर राज्य अनि केन्द्रले नचीनेको बर्दिया
जनप्रतिनिधी र नेतृत्व बाट ठगिएको बर्दिया
सम्बृद्धि र बिकासबाट अपहेलीत बर्दिया
मेरो बर्दिया कठै बर्दिया
कठै बर्दिया !!

अनिल थारु
ठाकुरबाबा न. पा.-७
हाल: दक्षिण कोरिया