भेरीलाई करारमा ४० जना स्वास्थ्यकर्मी चाहियो

१३ बैशाख, काठमाडौं । बाँकेको नेपालगंजस्थित भेरी अस्पतालले करारमा स्वास्थ्यकर्मी भर्ना गर्ने भएको छ।कोरोना भाइरसको महामारीसँग जुध्न उक्त अस्पतालले विभिन्न पदमा ४० स्वास्थ्यकर्मी भर्ना गर्न लागेको हो।

पछिल्लो समय कोभिड–१९ को संक्रमणका कारण जटिल लक्षणसहितका संक्रमितहरु आउनेक्रम दिनानुदिन बढ्दै गएकाले उनीहरुको हेरचाह तथा उपचारका लागि भन्दै अस्पतालले स्वास्थ्यकर्मी माग गरेको छ।

असार मसान्तसम्म करार सेवामा काम गर्नेगरी पदपूर्ति गर्न लागिएको अस्पतालले एक सूचनामार्फत् जानकारी गराएको छ। अस्पतालले एनेस्थेसियोलोजिष्ट ३ जना, मेडिकल अधिकृत १० जना, नर्सिङ अधिकृत २ जना, ल्याब टेक्निसियिन ५ जना र स्टाफ नर्स ४० जना माग गरेको छ।