पूर्वी नवलपरासीका विद्यालयमा पठनपाठन बन्द

मिना कंडेल

१४ वैशाख, नवलपुर । स्वास्थ्य तथा जनसंख्या मन्त्रालयले विद्यालयमा धेरै बालबालिकाहरु कोरोना संक्रमणबाट पिडित भएको भन्दै विद्यालय बन्द गर्न बारम्बार निर्देशन दिएपछि पूर्वी नवलपरासीका विद्यालयहरुमा मगंलबारदेखि पठनपाठन बन्द भएका छन् ।

पछिल्लो समय विद्यायलयमा अध्ययनरत विधार्थी नै बढि संक्रमित हुन पुगेको र त्यसबाट नै अभिभावक तथा समुदायमा कोरोना बढ्न सक्ने भन्दै विद्यालयमा पठनपाठन बन्द गरिएको जानकारी दिइएको छ ।

नवलपुरका सबै पालिकाहरुले एक हफ्ताका लागि विद्यालय बन्द गरेका छन् । नवलपुरको शिव माविमा कक्षा १० मा अध्ययनरत विधार्थीमा कोरोना पोजेटिभ देखिएपछि यहाँका अधिकांश विद्यालयको पठनपाठन बन्द गर्न प्रशासन र पालिकाहरुबाट सुचना गरिएको हो ।

कोरोनाको जोखिमलाई मध्यनजर गर्दै देशभरका विद्यालय बन्द गर्ने सरकारले समेत निर्णय गरेको छ । बैकल्पिक शिकाइका विधिहरु भर्चुअल विधिबाट पठनपाठन भने नरोक्न समेत सीसीएमसी निर्देशक समितिको सिफारिसमा उल्लेख छ ।

त्यसैगरि त्यसैगरी सवारी साधानहरुमा पनि क्षमता भन्दा बढी यात्रुहरु चढाउनका नपाइने, स्वाथ्यमापदण्ड अनिर्वाय रुपमा पालना गर्नुपर्ने, होटेल तथा रेष्टुरेन्ट, पसल, व्यापारव्यवसाय रातको ८ बजे पछि बन्द गर्नु पर्ने, जुनसुकै कार्यक्रममा पनि २५ जना भन्दा बढी मानिस भेला नगर्न नपाइने निर्णय भएको प्रमुख जिल्ला अधिकारी मनमाया पंगेनीेले बताइन् ।