संक्रमित बलिउड अभिनेता रणधीर आईसीयुमा

कोरोना संक्रमित भएका बलिउड अभिनेता रणधीर कपूरलाई आईसीयुमा सारिएको छ। स्वास्थ्यमा जटिलता देखिएपछि बिहीबार मुम्बईको कोकिलाबेन अस्पतालमा भर्ना भएका उनलाई आईसीयुमा सारिएको भारतीय सञ्चारमाध्यमले जनाएका छन्।

७४ वर्षका रणधीरलाई चिकित्सकको प्रत्यक्ष निगरानीमा राखिएको छ। उनले कोरोना भाइरसविरुद्धको खोपको दुबै डोज लिइसकेका थिए। उनको स्वास्थ्य अवस्था सामान्य रहेको बताइएको छ।