प्रभु इन्स्योरेन्सको मुनाफामा सामान्य सुधार, नेटवर्थ कति ?

२२ बैशाख, काठमाडौं । प्रभु इन्स्योरेन्सले गत आर्थिक वर्षको चौथो त्रैमाससम्ममा १५ करोड ४० लाख रुपैयाँ मुनाफा गरेको छ। यो अघिल्लो आर्थिक वर्षको यसै अवधिको तुलनामा २८ लाख ९० हजार रुपैयाँ बढी हो।

अघिल्लो आर्थिक वर्षको चौथो त्रैमाससम्ममा इन्स्योरेन्सले २५ करोड ११ लाख रुपैयाँ मुनाफा कमाएको थियो।

यस अवधिमा इन्स्योरेन्सले ४९ करोड ११ लाख रुपैयाँ बीमाशुल्क आर्जन गरेको छ। जुन अघिल्लो आर्थिक वर्षको सोही अवधिको तुलनामा १ करोड ८१ लाख रुपैयाँले कम हो। अघिल्लो आर्थिक वर्षको यहि अवधिमा इन्स्योरेन्सले ५० करोड ५९३ लाख रुपैयाँ बीमाशुल्क आर्जन गरेको थियो।

यस्तै, पुनर्बीमा कमिशनबाट १७ करोड ५४ लाख, लगानी, कर्जा तथा अन्य आयबाट ३ करोड ७८ लाख रुपैयाँ आम्दानी गरेको छ।

चुक्ता पूँजी एक अर्ब ५ करोड ६२ लाख रुपैयाँ रहेको इन्स्योरेन्सको जगेडा कोषमा २१ करोड ८६ लाख रुपैयाँ, बीमा कोषमा ७० करोड ४२ लाख रुपैयाँ र महाविपत्ती कोषमा ९ करोड ७६ लाख रुपैयाँ सञ्चित छ।

यस अवधिसम्ममा इन्स्योरेन्सले ६६ हजार ८४१ वटा बीमालेख जारी गरी एक अर्ब ५४ करोड ७४ लाख रुपैयाँ कुल बीमाशुल्क संकलन गरेको छ। यस अवधिमा इन्स्योरेन्सको १८ हजार ९२९ वटा बीमालेखहरु नविकरण भएका छन्।

कम्पनीले कुल ६ हजार ५७७ वटा दाबी बापत २६ करोड ९४ लाख रुपैयाँ भुक्तानी गरेको छ भने एक हजा ४८ वटा दाबी बापत २० करोड ५३ लाख रुपैयाँ भुक्तानी गर्न बाँकी छ।

यस अवधिमा इन्स्योरेन्सको प्रतिशेयर आम्दानी २४ रुपैयाँ, प्रतिशेयर नेटवर्थ १९७ रुपैयाँ र मूल्य आम्दानी अनुपात २० गुणा छ।