प्रुडेन्सियल इन्स्योरेन्सको मुनाफा बढ्यो, प्रतिशेयर आम्दानी कति ?

२४ वैशाख, काठमाडौं । चालू आर्थिक वर्षको तेस्रो त्रैमाससम्ममा प्रुडेन्सियल इन्स्योरेन्स कम्पनी लिमिटेडले १२ करोड ७३ लाख ११ हजार मुनाफा गरेको छ ।

यो नाफा गत वर्षको यसै अवधिको तुलनामा साढे ४० प्रतिशत बढी हो । गतवर्ष यस अवधिसम्म कम्पनीले ९ करोड ६ लाख १३ हजार मुनाफा गरेको थियो ।

यस वर्ष कम्पनीको कुल आम्दानी ३७ दशमलव ३५ प्रतिशत बढेको छ । गत वर्ष १५ करोड ६९ लाख १९ हजार कुल आम्दानी गरेको कम्पनीले यस वर्ष २१ करोड ५५ लाख ४३ हजार कुल आम्दानी गरेको हो । गत वर्ष ६ करोड ६३ लाख ६ हजार कुल खर्च भएको कम्पनीको यसवर्ष  ८ करोड ८२ लाख ३२ हजार खर्च भएको छ ।

६० प्रतिशत हकप्रद शेयरमार्फत पूँजी वृद्धि गरी १ अर्ब २ करोड ६४ लाख ३२ हजार पुगेको छ । कम्पनीको जगेडा कोष रकम पनि यसवर्ष १४ प्रतिशत बढी २६ करोड १४ लाख ५१ हजार कायम भएको छ । बीमा कोष रकम पनि १७ प्रतिशत बढेर ६० करोड ५ लाख ८६ हजार पुगेको छ ।

यसवर्ष कम्पनीले १ अर्ब ५ करोड ६८ लाख ७५ हजार कुल बीमाशुल्क आर्जन गरेको छ भने ४८ करोड ४५ लाख ५९ हजार कुल दाबी भुक्तानी गरेको छ । कुल बीमाुशल्क आर्जन रकम गत वर्षभन्दा यस वर्ष २८ प्रतिशत बढेको हो भने कुल दाबी भुक्तानी रकम २० प्रतिशत घटेको हो ।

गत वर्ष ८९ हजार ५४ बीमालेख जारी गरेको कम्पनीले यस वर्ष १ लाख २७ हजार ४७३ बीमालेख जारी गरेको छ । कम्पनीको प्रतिशेयर आम्दानी यो अवधिसम्म १६ दशमलव ५४ र प्रतिशेयर नेटवर्थ  १८९ दशमलव ३० रहेको छ ।