तौलिहवा अस्पताललाई ५ लाख सहयोग

२७ वैशाख,कपिलवस्तु । महाराजगञ्ज नगरपालिकाले जिल्ला अस्पताल तौलिहवालाई रु ५ लाख प्रदान गरेको छ । नगरपालिकाले जिल्ला अस्पतालको समग्र स्वास्थ्य सेवालाई थप सुधार तथा कोभिड –१९ का संक्रमित उपचारमा सहज होस् भन्ने उद्देश्यले सहयोग उपलब्ध गराएको हो ।

नेपाल पत्रकार महासंघ कपिलवस्तुका अध्यक्ष किरणमान बज्राचार्य मार्फत् अस्पताललाई आर्थिक सहयोग हस्तान्तरण गरिएको नगर प्रमुख अब्दुल कलामले जानकारी दिए ।

कोभिडका संक्रमित बढ्दै गएको अवस्थामा आइसोलेशन र अक्सिजनको ब्यवस्थापनका लागि रकम प्रदान गरिएको उपप्रमुख शुभवति कुर्मीले बताए । प्रमुख प्रशासकीय अधिकृत बेदप्रसाद खरेलले अस्पतालको स्वास्थ्य सेवा सुधारका लागि नगरपालिकाले निरन्तर सहयोग गर्ने जानकारी दिए । महासंघका अध्यक्ष बज्राचार्यले कोरोना नियन्त्रणमा सामूहिक प्रयासको खाँचो औँल्याए ।