राष्ट्रपतिले दिएको समय सीमा आज सकिदै, दलहरु दौंडधुपमा

३० बैशाख, काठमाडौं । राष्ट्रपति विद्यादेवी भण्डारीले बहुमतीय सरकार गठनका लागि दिएको तीन दिनको समयसीमा आज वेलुका ९ बजे सकिदै छ । राष्ट्रपतिले दिएको समय सीमा घर्किनै लाग्दा बहुमतीय सरकार गठनको संभावना कम भएपनि दलहरुले सत्ता समीकरण निर्माणको दौडधुपलाई कायमै राखेका छन् ।

प्रमुख प्रतिपक्षी दल नेपाली कांग्रेसले आफ्नो नेतृत्वमा सरकार गठन गर्न अग्रसरता देखाएपनि नया सरकार गठनक सम्वधमा जनता समाजबादी दल जसपा आफैमा विभाजित हुँदा यो संभावना टर्दै गएको नेताहरुले बताएका छन । सरकार गठनका सम्वन्धमा निर्णय गर्न बसेको जसपा नेपालका शीर्ष नेताहरूबीच बुधबार बसेको पदाधिकारी बैठक विना निष्कर्ष सकिएको थियो । यधपी उसको दलले आज एकिकृत निर्णय लिने जसपा नेता बावुराम भटट्राइले बताएका छन् । त्यसअघि हिजो मात्र जसपाका अध्यक्ष महन्थ ठाकुरले बुधबार नै प्रधानमन्त्री केपी शर्मा ओली र राष्ट्रपति भण्डारीसँग पनि भेटवार्ता गरेर आफुहरु नयाँ सरकार गठवन्धन सहभागी नहुने बताएका छन् ।

गठबन्धनको सरकार बनाउन  १३६ मत चाहिन्छ । संसदमा एमाले १२१ मत रहेको छ ।   कांग्रेसका ६१, माओवादी केन्द्रका ४९ र जसपा ३२ छ ।  जसपाको उपेन्द्र यादव पक्षले सरकार गठनमा पहल लिएपनि १५ सांसद रहेको महन्थ ठाकुर पक्षले सरकारमा सामेल नहुने स्पष्ट पारेको पारेपछि गठवन्धन सरकार गठन कठिन देखिएको छ ।

एमाले असन्तुष्ट पक्षका २० भन्दा बढी सांसदले राजीनामा दिएमा कांग्रेस नेतृत्वको सरकार बन्न् सक्ने देखिएपनि गण्डकी प्रदेशको घटना दोहोरिन सक्ने आंशका बढेको छ । गण्ठकी प्रदेशमा विपक्षीले बहुमत दावी गर्दा गर्दै पनि प्रदेश प्रमुखको दावी नपुगे भन्दै प्रदेश सभाको सवैभन्दा ठुलो दलको संसदीय नेता पृथ्वी सुव्वा गुरुङ्गलाई मुख्य मन्त्री नियुक्त गरेकी छन् । नयाँ सरकार गठन गर्न आव्हान गरेको समयसीमा आज राति ९ बजे सकिन लागेको हो ।