सगरमाथा इन्स्योरेन्सद्वारा लाभांश घोषणा

५ जेठ, काठमाडौं । सगरमाथा इन्स्योरेन्स कम्पनीले गत आर्थिक वर्ष २०७६/०७७ को मुनाफाबाट ११ दशमलव ५७ प्रतिशत लाभांश दिने प्रस्ताव गरेको छ ।

कम्पनीको जुम एपमार्फत बुधवार बसेको सञ्चालक समितिको बैठकले गत आवको मुनाफाबाट ११ प्रतिशत बोनस शेयर र कर प्रयोजनका लागि शून्य दशमलव ५७ प्रतिशत नगद लाभांश दिने निर्णय गरेको हो ।

प्रस्तावित लाभांश बीमा समितिबाट स्वीकृत भएपछि र कम्पनीको आगामी वार्षिक साधारण सभाले अनुमोदन गरेपछि शेयरधनीले पाउने छन् ।

हाल कम्पनीको चुक्तापूँजी १ अर्ब १२ लाख २३ हजार रहेको छ ।