नेशनल लाईफ इन्स्योरेन्सको सीईओमा खत्री नियुक्त

५ जेठ, काठमाडौं । नेशनल लाईफ इन्स्योरेन्स कम्पनी लिमिटेडको प्रमुख कार्यकारी अधिकृत (सीईओ)मा सुरेश प्रसाद खत्री नियुक्त भएका छन् ।

कम्पनीले बीमा समितिको जेठ ३ गते पत्रबाट स्वीकृति प्राप्त भए अनुसार यस कम्पनीको हिजो (जेठ ४ गते, मंगलबार) बसेको संचालक समितिको बैठकले हालको कायम मुकायम प्रमुख कार्यकारी अधिकृत खत्रीलाई नियुक्त गरेको हो ।

खत्रीलाई जेठ ३ गतेदेखि लागू हुने गरी ४ वर्षको लागि करारमा नियुक्ति अनुमोदन गरेको कम्पनीले जनाएको छ ।