अबको एक हप्ता खाद्यान्न अभाव भए फोन गर्नुहोस् प्रशासनले घरमै ल्याइदिन्छ  !  

१४ जेठ, काठमाडौं ।  काठमाडौं उपत्यकामा आजदेेखि  तरकारी पसल खोल्ने तर किराना पसल बन्द गर्ने निर्णको  विरोध भएपछि काठमाडौं, भक्तपुर र लललितपुर जिल्ला प्रशासन कार्यालयहरुले अबको एक हप्ताभित्र खाद्यान्न अभाव भए फोन गर्न आग्रह गर्दै फोनगरेमा यस अविधमा खाद्यान्न घरमै ल्याइदिने ब्यवस्था गरिएको जनाएको छ ।

कतै खाद्यान्न वस्तुको अभाव भएर खरिद गर्नुपर्ने अत्यावश्यक भएमा नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशन लिमिटेडको तर्फबाट मोबाइल गाडीमार्फत पालिकाहरुसँग समन्वय गरेर घरमै पुर्याइदिने व्यवस्थापन मिलाइएको प्रशासनले जनाएको छ ।

अबको एक हप्ताभित्र खाद्यान्न अभाव भएमा नेपाल खाद्य व्यवस्था तथा व्यापार कम्पनी लिमिटेडका प्रमुख कार्यकारी अधिकृत मोहन प्रकाश चन्द ९८५१३२०३१४,  विभागीय प्रमुख भीमबहादुर थापा ९८५११३६७८५ र प्रादेशिक प्रमुख थापाथलीका ज्ञानु थापा ९८५११२१७८८ लाई फोन गर्न सकिनेछ ।

यस्तै साल्ट ट्रेडिङ कर्पोरेशन लिमिटेडका प्रमुख कार्यकारी अधिकृत उर्मिला श्रेष्ठ ९८५१०२२५६४, नायब कार्यकारी अधिकृत कुमार राजभण्डारी ९८५१०३३३०३, विभागीय प्रमुख सवल रिजाल ९८५१११३६६०, र प्रज्वल प्रधान ९८४१३३२९९० लाई फोन गर्न सकिने काठमाण्डौ, ललितपुर र भक्तपुरका प्रमुख जिल्ला अधिकारीले विज्ञप्ति निकालेर जानकारी गराएका छन् ।