डा.देवकोटाको शपथ हुँदै

१४ जेठ, काठमाडौं । राष्ट्रियसभा सदस्यमा भर्खरै भएको उपनिर्वाचनमा विजयी डा. खिमलाल देवकोटाले आज पद तथा गोपनीयताको शपथ लिंदैछन् ।

संसद सचिवालयमा आज आयोजना गरिने विशेष कार्यक्रममा उनलाई राष्ट्रियसभाका अध्यक्ष गणेशप्रसाद तिम्सिनाले शपथ गराउनेछन् ।

गत जेठ ६ गते सम्पन्न बाग्मती प्रदेश अन्तर्गतको उपनिर्वाचनमा डा. देवकोटाले गृहमन्त्रीसमेत रहेका नेकपा एमाले ओली समूहका प्रभावशाली नेता रामबहादुर थापा बादललाई पराजित गरेका थिए ।

एमाले माधव नेपाल समूह निकट डा. देवकोटा विपक्षी गठबन्धनका साझा उम्मेदवार थिए ।