सेती अस्पतालमा पोष्ट कोभिड ओपिडी सेवा सञ्चालन

१७ जेठ,कैलाली । आजदेखि सेती प्रादेशिक अस्पतालमा कोभिड–१९ संक्रमण निको भएका व्यक्तिका लागि पोष्ट कोभिड ओपिडी सेवा सञ्चालन भएको छ ।

कोरोना संक्रमण मुक्त भएकाका लागि पोष्ट कोभिड ओपिडी सेवा सञ्चालन भएकाले फलोअप जाँचका लागि अस्पतालमा आई सेवा लिन हुन सम्बन्धित सबैको जानकारीका लागि सूचनामार्फत अनुरोध गरिएको अस्पतालका मेसु डा हेमराज पाण्डेयले जानकारी दिए । ओपिडी सेवा शनिबार बाहेक बिहान १० बजेदेखि १२ बजेसम्म सञ्चालन हुने जनाइएको छ ।