इजलाश परिवर्तन भएन, पुरानै न्यायाधीशबाट सुनुवाइ

१८ जेठ, काठमाडौं । शुक्रबार र आइतबारको बहसमा संवैधानिक इजलाशमा रहेका दुई न्यायाधीश परिवर्तन हुनुपर्ने वकिलहरूले मागेपछि रोकिएको सुनुवाइ आज पुन: पुरानै न्यायाधीशको इजलासबाट हुने भएको छ ।

संसद विघटनविरुद्ध दायर रिटमाथि संवैधानिक इजलाशमा आज तेस्रो दिन सुनुवाई हुन लागेको हो । न्यायाधीशद्वय केसी र श्रेष्ठले आफूमाथि उठेका प्रश्नबारे इजलाशमै प्रष्ट पार्ने भन्दै इजालाशबाट नबाहिरिने  बताएपछि इजलाश परिवर्तन नभएको सर्वोच्च स्रोतले बताएको छ।

यसअघि नेकपाको विभाजनसम्बन्धी मुद्दाको फैसलामाथि प्रश्न उठेका कारण न्यायाधीश श्रेष्ठ र केसीले संवैधानिक इजलाशमा बस्न नहुने वकिलहरुले माग गरेपछि मुद्धा हेर्दा हेर्दैमा राखी आजका लागि सुनुवाइ तोकिएको थियो ।