प्रदेशसभा समक्ष विश्वासको मत लिदै मुख्यमन्त्री भट्ट

२५ जेठ, काठमाडौं । सुदूरपश्चिम प्रदेशका मुख्यमन्त्री त्रिलोचन भट्टले आज  प्रदेशसभामा विश्वासको मत लिने भएका छन् । प्रदेशसभा सचिवालयका अनुसार मुख्यमन्त्री भट्टले अहिले बिहान ९ बजे बस्ने प्रदेशसभा बैठकमा विश्वासको मत लिने कार्यसूची तय भएको छ ।

मुख्यमन्त्री भट्टले संविधानको धारा १८८ बमोजिम विश्वासको मत लिन आइतबार नै प्रदेशसभा सचिवालयमा प्रस्ताव दर्ता गराएका थिए।

५२ सदस्यीय प्रदेशसभामा नेकपा एमालेका सभामुखसहित २५ जना, माओवादी केन्द्रका १३ जना, नेपाली कांग्रेसका १२ जना र जनता समाजवादी पार्टीका २ जना प्रदेशसभा सदस्य छन्। विश्वासको मतका लागि मुख्यमन्त्री भट्टलाई २७ मत चाहिन्छ। भट्लाई विपक्षी गववन्धको साथ रहेकोहुँदा उनले सहजै विश्वासको मत लिने देखिएको छ।