अर्घाखाँचीमा जीप दुर्घटना हुँदा चालकको मृत्यु

२७ जेठ, काठमाडौं । अर्घाखाँचीको भूमिकास्थान नगरपालिका- ९ तारिकेमा जीप आज विहान दुर्घटना हुँदा एक जनाको ज्यान गएको छ ।  भूमिकास्थानको ढिकुराबाट डेभातर्फ जाँदै गरेको लु १ च ६१६८ नम्बरको जीप तारिकेमा दुर्घटना भएको हो ।

भूमिकास्थान नगरपालिका -९ ढिकुराबाट डेभातर्फ जाँदै गरेको लु १ च ६१६८ नम्बरको जीप तारिकेमा दुर्घटना भएको हो । दुर्घटनामा परि भूमिकास्थान-९ का जीप चालक अन्दाजी २९ वर्षीय रामबहादुर नेपालीको घटनास्थलमा ज्यान गएको जिल्ला प्रहरी कार्यालय अर्घाखाँचीले जनाएको छ ।

जीप सडकबाट झण्डै ७० मिटर तल खसेको थिया । जीप कुखुराको दाना डेभा छोडेर फर्कने क्रममा दुर्घटामा परेको जीपमा चालक नेपाली मात्र रहेको स्थानीयले बताएका छन् ।