काठमाडौं महानगरमा रोकिएको खोप अभियान आजबाट सुरु

३१ जेठ, काठमाडौं । काठमाडौं महानगरपालिकामा रोकिएको कोरोना विरुद्धको खोप अभियान आजबाट पुन: सुरु हुने भएको छ । खोप अभियान आज र भोलिमात्र संचालन हुने महानगरपालिकाे जनाएको छ ।

खोप अभावका कारण रोकिएको खोप अभियान पुन सुचारु गर्दै  महानगरपालिकाले ६०–६१ वर्ष उमेर समूहका नागरिक, भेरोसेलको पहिलो मात्रा लगाएका, कोरानाका बिरामीको उपचार जाँच र प्रत्यक्ष उपचारमा संलग्न चिकित्साकर्मी, प्यारामेडिक्स, नर्सिङका विद्यार्थीलाई भेरोसेल खोपको दिन लागेको हो ।

पुन संचालन भएको खोप अभियान वीर अस्पताल, महाराजगञ्जस्थित टिचिङ अस्पताल, सिभिल अस्पताल र सैनिक अस्पतालमा खोप लगाइनेछ। यस अघि पहिलो पटक भने सबै वडामा खोप लगाइएको थियो। जसमा युवा वर्ग बढी सहभागी भएपछि बृद्ध वृद्धलाइ भनेको खोप आफन्तलाई दिदा सकिएको थियो ।

खोप अभाव भएपछि जेठ २७ गते सूचना जारी गरेर नै स्थगित गरेको थियो ।