एमाले सुदूरपश्चिम प्रदेशसभामा ओली पक्षका ७ सांसद निलम्बनमा

३१ जेठ, काठमाडौं।  नेकपा एमाले सुदूरपश्चिम प्रदेश संसदीय दलले  पार्टी  अध्यक्ष केपी ओली पक्षका ७ सांसद निलम्वन गरेको छ ।  नीति कर्यक्रम पारित गर्ने समयमा कतिपय प्रदेशमा एमाले भित्र एकता देखिएको खबरहरु आइरहदा सूदुरपश्चिमा भने नेपाल पक्षले ओलीपक्षका ७ सांसदलाई निलम्वन गरेको हो ।

पार्टी संसदीय दलको आज बसेको बैठकले दलको निर्देशन विपरित मुख्यमन्त्रीलाई विश्वासको मत मत नदिएको र नीति कार्यक्रमको विपक्षमा मतदान गरेर संसदीय दलको ह्वीप उल्लंघन गरेको  ओली पक्षका ७ जनालाई निलम्बनको कारवाही गरेको हो ।

निलमम्वनमा पर्ने हरुमा लिलाधर भट्ट, नेपालु चौधरी, रतन थापा, पठानसिंह बोहरा, ग्याल्बु बोहरा, माया तामाङ र बलदेव रेग्मी रहेका छन् ।

पार्टी संसदीय दलको ह्वीप उल्लंघन गरेकाले उनिहरुलाई निलम्बन गर्ने निर्णय गरेको प्रमुख सचेतक दुर्गा विकले जानकारी दिइन् ।