कार्यकर्तालाई तत्काल उद्धार तथा राहतमा खटिन देउवाको निर्देशन

२ असार, काठमाडौं । नेपाली कांग्रेसका सभापति शेरबहादुर देउवाले कार्यकर्तालाई तत्काल आ–आफ्नो क्षेत्रबाट बाढी पहिरो पीडितको उद्दार र राहतमा खटिन निर्देशन दिएका छन्।

कांग्रेस सभापति देउवाले सामाजिक संजाल मार्फत सिन्धुपाल्चोक, मनाङ लगायत देशका विभिन्न ठाउँमा बाढी र पहिरोले क्षति पुराएको भन्दै कार्यकर्तालाई तत्काल उद्दार र राहतमा खटिन निर्देशन दिएका हुन्।

त्यसै गरी देउवाले सरकारलाई तत्काल विपदमा परेका जनतालाई उद्दार गरेर सुरक्षित स्थानमा स्थानान्तरण गर्न र उनीहरुलाई आवस्यक राहत प्याकेज घोषणा गर्न माग गरेका छन् ।