सानिमा जनरल इन्स्योरेन्सले बोलायो असार २३ गते साधारणसभा

२ असार, काठमाडौं । सानिमा जनरल इन्स्योरेन्सको स्थगित तेस्रो वार्षिक साधारण सभा असार २३ गते बोलाइएको छ । सभा कम्पनीको प्रधान कार्यालय कमलादी काठमाडौंमा विहान १०ः३० बजे भर्चुअल माध्यमबाट सुरु हुनेछ ।

सभामा कम्पनीको नियमावली संशोधन गर्ने एजेन्डा छ । यस्तै, आर्थिक वर्ष २०७६–७७ को वार्षिक प्रतिवेदन माथि पनि छलफल हुनेछ । आर्थिक वर्ष २०७७–७८ को लागि लेखापरिक्षक नियुक्त गर्ने प्रस्ताव पनि छ ।

सर्वसाधारण सेयरधनीको तर्फबाट २ जना सञ्चालकको निर्वाचन गर्ने एजेन्डा पनि छ । यता, कम्पनीले यो वर्ष लगानीकर्ताको हात रित्तो बनाउने भएको छ । तसर्थ, लाभांश वितरण सम्बन्धी एजेन्डा छैन ।

सभा प्रयोजनका लागि कम्पनीले वैशाख २९ गते बुक क्लोज गरिसकेको छ । यसर्थ, वैशाख २८ गतेसम्म कायम सेरधनीहरु मात्र सभाभा भाग लिन योग्य हुनेछन् । यसअघि जेठ ११ गते आह्वान गरिएको सभा कोरोना भाइरसका कारण स्थगित गरिएको थियो ।