मुख्यमन्त्री पोख्रेलले भोलि विश्वासको मत लिने

३ असार काठमाडौ। गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोख्रेलले भोली प्रदेशसभा समक्ष विश्वासको मत लिने भएका छन् ।

विश्वासको मत लिनका लागि मुख्यमन्त्रीले संसद् सचिवालयमा सूचना दर्ता गराएसँगै  हिजो बसेको दिउँसो बसेको कार्य व्यवस्था परामर्श समितिको बैठकले भोली ११ बस्ने बैठकमा गते विश्वासको मत लिने कार्यसूची तय गरेको छ ।

एमाले संसदीय दलका नेता पृथ्वी सुब्बा गुरुङ्गले विश्वासको मत लिन नसकेपछि प्रदेश प्रमुख सीता पौडेलले प्रदेश सभामा आफ्नो पक्षमा बहुमत रहेको दावी पेश गरेका कांग्रेस संसदीय दलका नेता पोख्रेललाई गत जेठ २९ गते मुख्यमन्त्रीमा नियुक्त गरेकी थिइन ।

नेपाली कांग्रेस, नेकपा माओवादी केन्द्र, जनता समाजवादी पार्टी (जसपा) र राष्ट्रिय जनमोर्चाको संयुक्त गठबन्धन र स्वतन्त्र सांसद राजीव गुरुङ उर्फ दीपक मनाङेको समर्थनमा पोख्रेल मुख्यमन्त्री बनेका हुन्।

मुख्यमन्त्री बनेकै दिन मन्त्रिपरिषद् गठन गरेका पोख्रेलले मन्त्रीहरुलाई विनाविभागीय जिम्मेवारीमा राखेका छन् ।