शताब्दी पुरूष डा. सत्‍यमोहन जोशीको स्वास्थ्यमा सुधार

४ असार, काठमाडाैं । शताब्दी पुरूष डा. सत्‍यमोहन जोशीको स्वास्थ्यमा सुधार आएको छ । स्वास्थ्यमा सुधार भइ उनी हिड्‌डुल गर्न सक्‍ने भएपछि शुक्रबार अस्पतालबाट डिस्चार्ज गरिएको हो ।

अस्पतालले एक प्रेस विज्ञप्ति निकालेर जोशीको स्वास्थ्य अवस्था सामान्‍य भएकाले उनलाई आज चिकित्सकको सल्लाहमा डिस्चार्ज गरिएको जानकारी दिएको छ ।

यसअघि जोशीको श्वास प्रश्वासमा समस्या, छातीको संक्रमण, मुटुको चालमा गडबडीका साथै रक्तचापमा कमी देखिएपछि जेठ २६ गते उनलाई ललितपुरको किष्ट शिक्षण अस्पतालमा भर्ना गरिएको थियो ।