एमाले वार्ता टोलीका नेताहरु नेपाल निवासमा

२० असार, काठमाडौं । नेकपा एमालेको एकता अविछिन्न राख्न दुवै तर्फका युवा नेताहरु कोटेश्वरस्थित माधव नेपाललाई भेट्न पुगेका छन् । अनौपचारिक रुपमा संवाद गरिरहेका नेताहरु नेपाललाई मनाउन उनकै निवासमा भर्खरै पुगेका हुन् ।

दुई सातादेखि लगातार छलफल गरेर सहमतिको मस्यौदा समेत बनाइसकेका नेताहरुले संयुक्त रुपमा नेपाललाई वार्तामा भएका विषयको ब्रिफिङ गर्नेछन् ।

यसअघि नेपाल पक्षधर नेताहरुले मात्र ब्रिफिङ गरेकामा आज ओली पक्षबाट वार्तामा रहेका उपमहासचिव बिष्णु पौडेलसहित शंकर पोखरेल र सुवास नेम्वाङले पनि ब्रिफिङ गर्ने भएका हुन् ।