आमिर खान र किरण रावले तोडे १५ वर्षको सम्बन्ध

बलिउडका चर्चित नायक आमिर खान र उनकी पत्नी किरण रावले १५ वर्षको सम्बन्ध अन्त्य गरेका छन् । विवाह बन्धनमा बाँधिएको १५ वर्षपछि उनीहरुले आफुहरु छुट्टिएको भन्दै साझा स्टेटमेन्ट दिएका छन् ।

 टाइम्सअफ इन्डियाका अनुसार दुवै पति पत्नीले १५ वर्ष सँम्म आफुहरु दुवैले एकअर्कासँग अत्यन्तै रमाइलो क्षण विताएको र आफूहरुले एकअर्कालाई भरोसा सम्मान र माया गरेरै गरि १५बर्षसँगै विताएको भन्दै अब भने दुवैले अलग रहेर जीवनको नयाँ अध्यायको सुरुवात गर्ने बताएका छन् ।

उनीहरुले भनेका छन्–अब हाम्रो सम्बन्ध श्रीमान श्रीमतीको रुपमा नभएर आमा–बाबुको रुपमा अगाडि बढ्नेछ । उनीहरुले आफूहरु अलग रहेपनि १० वर्षीय छोरा आजादलाई मिलेर पाल्ने बताउँदै आफूहरुले ज–जसले बुझेर यो निर्णयमा सहयोग गरे उनीहरुलाई धन्यवाद समेत दिएका छन् ।