देउवालाई भोट हाल्ने एमाले सांसदलाई कारवाही: ज्ञवाली

३ साउन, काठमाडौं । एमाले स्थायी कमिटीको आज बसेको बैठकले प्रधानमन्त्री शेरबहादुर देउवालाई विश्वासको मत दिने कुनै पनि सांसद एमाले नरहने चेतावनी दिएको छ ।

पार्टी निर्णयबारे जानकारी दिदैं प्रवक्तासमेत रहेका नेता प्रदीपकुमार ज्ञवालीले भने–पार्टी निर्णय विपरित जाने कोही पनि एमाले रहन सक्दैन ।
विश्वासको मतको विपक्षमा मतदान गर्ने निर्णय पार्टीले गरेको छ, त्यसविपरित जाने कोही पनि एमाले रहन सक्दैन – उनले सञ्चारकर्मीसँग भने ।

यसबारे छलफल गर्न आफूहरु आज बिहान कोटेश्वरस्थित माधव नेपाल कहाँ गएको प्रसंग झिक्दै ज्ञवालीले भने– नेता नेपालले एक्लै भएपनि देउवाको पक्षमा मतदान गर्ने बताएकाले पार्टी फुटको संघारमा पुगेको छ ।